45. MOT 2020 се отвора со премиера на „Универзална во пламен – трагедија во шест декади“!

45-то издание на Млад отворен театар ќе се одржи од 24 ноември до 3 декември, со претстави во живо и фестивалски онлајн претставувања.

Ќе бидат претставени 12 продукции во домашна продукција, како и театарските куќи од Словенија, Србија, Грција и Хрватска.

Во десет фестивалски вечери, ќе се видат дури три премиери, „Универзална во пламен – трагедија во шест декади“, ко-продукција на МОТ и Факултет за работи што не се учат, перформансот „Screensaver“, развиен во рамки на програмата „Современа кореографија и танц“ на Локомотива – Центар за нови иницијативи во уметноста и културата и „Херои 4:33“, во режија на Деан Дамјановски на Театар „Ј. Хаџи-Константинов Џинот“, Велес.

Фестивалот се отвора утре со премиера на Универзална во пламен – трагедија во шест декади“, ко-продукција на МОТ и Факултет за работи што не се учат (дел од тимот се победниците на Прашкото квардинале за перформанс, дизајн и простор во 2019).

45-от, за прв пат хибриден МOT ќе се случува на три сцени, вашите топли домови, МKЦ и Универзална сала.

Цената на билетите за претставите во живо e 300 денари, а онлајн претставите се бесплатни, но неопходен е билет, бидејќи бројот на гледачи на стримот е ограничен.
Сите билети се достапни преку
www.bileti.mkc.mk*Фестивалот ќе биде реализиран со строго почитување на Протоколот за организација на настани!