Продолжува уништувањето на безбедносниот сектор на државата и самоволието на власта на СДМ и Заев.

Директорот на Дирекцијата за безбедност на класифицирани информации (ДБКИ), Стојан Славески, си вработил негови блиски лица во ДБКИ без претходно за нив да бидат извршени безбедносни проверки и да добијат безбедносен сертификат, како што налагаат законите.

Се чини дека за Славески, кој важи за кадар на Радмила Шекеринска, поважна е партиската подобност отколку безбедносната подобност на лицата кои ги вработува надвор од секаква процедура.

Можеби ова не треба да изненадува премнгу, затоа што ако се види профилот на Славески, ќе се забележат безброј партиски кореографии, а секој негов настап во улога на државен функционер е уредно забележан и на страната на Либерал Демократската партија, во која пребега од неговата матична партија СДСМ.

Исто така, мора да се напомене дека Славески, беше во центарот на уште еден голем скандал со безбедносни сертификати, каде што вклучени беа и Шекеринска и раководителот на Военото Разузнавање.

Имено, човекот кој Радмила го постави за раководител на военото разузнавање, повеќе од пет години не можеше да добие безбедносен сертификат, а Славески по назначувањето за директор на ДБКИ, му го издаде за помалку од една недела.

Ваквото незаконско постапување и манипулацијата со безбедносните сертификати е сериозно прекршување на безбедносните процедури и мора да биде истражено од надлежен орган.

Дополнително, Славески е потписник и на НАТО и ЕУ безбедносните сертификати кои ги издава нашата држава, и се поставува прашањето дали со неговите постапувања по партиска директива или лично самоволие, не ги нарушува позициите на Македонија со партнерите?

И дали стратешките партнери се свесни каков човек е надлежен да се грижи за безбедноста на нивните класифицирани документи, ако тој во сопствената институција каде што директорува работи вон сите безбедносни процедури?