Дојде од позицијата амбасадор во Хаг, ја заврши “задачата“ со Преспанскиот договор и си заминува од Северна Македонија

Објавил: Данаил Михајловски | 7 мај, 2019 22:49

Никола Димитров во јуни “си бега“ од земјата на која ѝ го смени името

Фото/Текст извор: ©магазин

Магазин дознава од дипломатски извори, дека министерот за надворешни работи Никола Димитров наскоро ќе ја напушти Македонија и заминува на ново работно место како виш советник и аналитичар во “Брукингс Институтот“ во Вашингтон. Оваа понуда за нова кариера во Америка, министерот Димитров ја добил во преиодот пред потпишувањето на Преспанскиот договор, лично од поранешната амбасадорка на САД во НАТО, Викторија Нуланд, која сега исто така е дел од овој институт и од нејзината колешка Аманда Слоут, за која се збори дека делумно помагала во пишувањето на договорот со Грција. Министерот Димитров веќе остварил и неколку разговори со одговорниот менаџер на овој истражувачко-политички институт, за позицијата, за работните обврски, како и за месечната плата која би му изнесувала околу 12-14.000 долари бруто. Димитров оваа своја бекап опција му ја соопштил и на премиерот Заев на почетокот на март оваа година, откако видел дека дефинитивно тој нема да биде кандидатот на власта за претседател на државата, понуда на која искрено се надевал и ја очекувал после ставањето на својот потпис за “Северна Македонија“ на Преспанскиот договор. После ваквиот развој на настаните Димитров се почувствувал еднократно искористен и бил разочаран, наведува нашиот извор. Истовремено, министерот Димитров не се чуствувал и најкомотно меѓу своите сонародници во државава заради поларизираната атмосфера која се создаде после потпишувањето на Договорот од Преспа, кој за многу Македонци е спорен и понижувачки.

“Брукингс Институтот“ е невладина тинк-тенк организација сместена во Вашингтон која се занимава со истражување и креирање на политики во делот на американската внатрешна политика, меѓународните односи, економијата и глобалните безбедносни предизвици кои се во сферата на интересот на Соединетите Американски Држави. Институтот има околу 200 домашни и странски (визитинг) експерти, но важи за поблизок до Демократската партија и во него се ангажирани добар дел на поранешни советници, дипломати и пензионирани генерали кои биле блиски соработници на поранешниот претседател Барак Обама и Хилари Клинтон.

Брукингс институтот е влијателна тинк-тенк организација во Вашингтон, блиска до Демократската партија. Министерот Никола Димитров, според дипломатски извори, веќе го договорил неговиот работен ангажман во Америка, како виш советник за надворешна политика, со месечна плата од 12-14.000 американски долари. Димитров пред десетина дена и лично бил во овој институт во Вашингтон, каде што остварил средби со одговорните за неговото вработување од јуни оваа година.

Министерот Димитров лани, за време на кампањата за референдумот за смена на уставното име со паролата “За европска Македонија“, посети повеќе градови во државата и ги убедуваше граѓаните дека со гласањето ЗА, на земјата и се отвараат големи развојни и економски перспективи, како и работни места за младите, но очигледно е дека со заминувањето од Македонија, која тој со потпис ја прекрсти како “Северна“, ни тој самиот не верува во тие перспективи штом “си бега“ во Америка. Инаку и семејството на министерот Димитров не живее во Македонија, туку во нивниот стан во Холандија, за каде минатата година и неговата најстара ќерка по кратка постапка доби висока владина стипендија од 40.000 евра за секоја година од нејзиното студирање.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Актуелно

По потпишувањето на Договорот Харадинај изјави дека неговата и партијата на Ахмети денеска „успеаја да ги обединат најдобрите експертизи за една развојна програма за земјата“.

Харадинај и Ахмети потпишаа договор за предизборна коалиција

Лидерот на Алијансата за иднината на Косово (ААК), премиерот во оставка Рамуш Харадинај...

Митановски истакнува дека во рекетот бил директно инволвиран и синот на Катица Јанева.

Поранешен пратеник објави шокантни информации: Синот на Катица Јанева директно инволвиран во “Рекет”

Веле Митаноски кој е поранешен пратеник во македонското Собрание, објави шокантни...

Изминатиов викенд Љубомир Спасиќ зема учество во последниот натпревар сезонава кој се одржуваше во Чешке Буџејовице, каде што се сумираа резултатите од сите овогодишни трки. Претходно тој се натпреваруваше во натпреварите за Европски куп и во Македонија, Словенија, Германија, Шпанија и Италија, по кои заврши прв во генералниот пласман во конкуренција на повеќе од 200 кајакари од 17 европски држави.

Љубомир Спасиќ е првиот Македонец кој освои Европски куп во кајак! (ВИДЕО)

Љубомир Спасиќ  од Велес е првиот Македонец што го освоил Европскиот куп во дисциплината...