Новиот земјотрес кој беше регистриран во Албанија со јачина од 4,2 степени по Рихтер, се почувствува и во Црна Гора.

Силниот земјотрес го регистрираше Сеизмолошкиот институт на Црна Гора 15 минути по полноќ, а епицентарот се наоѓа на 18 километри јужно од Медова. Земјотресот бил со средна сила и хипоцентарот бил на длабочина од осум километри. 

Вкупно 50 починати и над 2.000 повредени беше билансот на трагичниот земјотрес кој ја погоди Албанија, откако спасувачката операција и официјално се прогласи како завршена од премиерот Еди Рама.

Потрагата по преживеани во земјотресот официјално е завршена, бидејќи според сведочења и официјалните податоци нема повеќе луѓе под урнатините, ниту исчезнати.

По најсилниот земјотрес кој се случи на 26.11.2019 и над 500 други афтер-шок удари, околу 900 згради во Драч и над 1.450 во Тирана останаа сериозно оштетени.

Сите држави од светот се вклучија во хуманитарна и спасувачка акција во помош на Албанија.