Претседателот на Бразил, Жаир Болсонаро, е позитивен на коронавирусот, јавуваат локалните медиуми.

Како што објавија првиот тест е позитивен. Резултатите од вториот тест треба да бидат завршени во текот на денот.

Претходно беше објавено дека неговата секретарка е позитивна на коронавирус. Таа беше на службено патување во САД. Потсетуваме, минатиот викенд, американскиот претседател Доналд Трамп беше домаќин на бразилската делегација предводена од Болсонаро во неговата резиденција на Флорида.

Болсонаро ја минимизираше сериозноста на инфекцијата во средата.

„Други грипови убиваат повеќе од ова“, рече бразилскиот претседател пред два дена, велејќи дека опасноста е претерана.

Патем, високиот функционер на бразилската влада кој ги посети Соединетите држави пред неколку дена и беше во близок контакт со американскиот претседател Доналд Трамп и потпретседателот Мајк Пенс е позитивен за коронавирусот.

Според некои медиуми, тој  и неколку други високи функционери во делегацијата се под надзор.

Сепак, Трамп рече дека не е загрижен.

„Да го кажам ова на мој начин: Не сум загрижен“, рече Трамп и додаде дека слушнал дека и асистентот за комуникации е заразен, но дека „тие не правеле ништо невообичаено“.