Вкупниот број на заболени од корона со вирус во светот надмина 36 милиони, откако беа потврдени 338.779 нови случаи во текот на претходните 24 часа, објави Светската здравствена организација.
Бројот на смртни случаи како резултат на ковид-19 се зголеми за 5.514 на скоро 1,05 милиони, пренесува агенцијата ТАС.
Според последните податоци на СЗО, вкупниот број на пациенти со ковид-19 во светот е 36.002.827, додека 1.049.810 пациенти починале како резултат на болеста.
Деловите во светот кои се најсилно погодени од пандемијата се Јужна и Северна Америка, каде во претходните 24 часа биле потврдени 112.715 нови случаи и 2.785 смртни случаи. На второ место е Европа, каде што 96.996 лица биле заразени со вирусот корона и 944 починале.
Зад Европа е Азија, со нови 89674 случаи на ковид-19, од кои починале уште 1.158 пациенти.
Најголем број случаи на коронавируси од почетокот на пандемијата е потврден во САД (7.419.230), Индија (6.835.655), Бразил (4.969.141), Русија (1.260.112), Колумбија (869.808), Шпанија (835.901), Перу (832.468), Аргентина (824.468), Мексико (769.558) и Јужна Африка (683.242), соопшти СЗО.
Статистиката на СЗО се заснова на официјално потврдени податоци од одделни земји.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.