Ветувањата од предизборната кампања на СДСМ веќе не важат. Во кампањата СДСМ ветуваше дека доколку дојдат на власт предлогот за државен Јавен обвинител ќе го дава опозицијата, но не си остана доследна на зборот. 

Ова го зборуваше пратеничката Фросина Ременски од позиција на опозиција. Но, дали после сите скандали поврзани со неа за случајот Рекет, Фросина Ременски го има истиот став ?

-Социјал-демократскиот сојуз има вистинска чесна намера да го ослободи од влијание државниот Јавен обвинител. Во таа насока предлагаме и мерка која што ќе го донесе тоа очекување што го испорачуваме, а дека државниот Јавен обвинител ќе се избира на предлог на опозицијата. Со тоа што ниту еден министер независно од која власт и да е, ќе нема право да помисли на незаконска работа или одредена злоупотреба, токму заради оваа некаква политичка независност на државниот Јавен обвинител, изјави поранешната техничка министерка од СДСМ, Фросина Ременски на партиска трибина.