Не сме за продавање, не сме Грци и не сме Бугари. Ние сме Македонци, да живее Македонија. Ние Македонците во Македонија и од цел свет сме со вас таму!

Вака гласи еден од стотиците коментари на видеото објавено на Фејсбук на кое се вели дека во Солун се игра и пее македонско оро и песна. Од таму преку песна порачуваат: Велат не нема? Ама еве сме, со мерак сред Солун оро играме.

Видеото кое е постирано на Фејсбук, за кратко време има повеќе илјади прегледи. А слични има и од други места од Егејска Македонија, каде што има масовна посета на слични настани.

Честопати на Фејсбук, освен од Грција, може да се видат видеа од народни веселби во Турција, каде што се пее и негува македонската песна и игра од потомци на иселените од Република Македонија.