Од утре па се до вторник нашата територија ќе биде под влијание на МНОГУ ТОПЛА воздушна маса од југ, во исто време ќе бидеме и под влијание на нестабилна воздушна маса која особено во попладневните часови ќе условува зголемена облачност и развој на нестабилност која ќе биде проследена со пороен дожд, грмежи и засилен ветер.
Локално поради загреаната атмосфера има услови процесите да бидат ПОИНТЕНЗИВНИ и во форма на НЕВРЕМЕ проследено со поинтензивен пороен дожд, електрични празнења, силен ветер како и со појава на град.
Максималните дневни температури на воздухот и понатаму ќе бидат МНОГУ ВИСОКИ и ќе се искачуваат во интервалот од 31 до 38 степени.
Поради релативно високата влажност на воздухот но и поради нестабилноста понатаму ќе растат условите за позначителна спарина која особено кај метеопатите може да создава и здравствени проблеми.
Исто така во атмосферата се наоѓа и незначително количество на Сахарска прашина и песок па така таму кај што ќе се појават врнежите дожот ќе остави траги на нечистотија.
Подготви: СЛАВЧО ПОПОСКИ
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.