Во минатата година се случија поголеми авионски несреќи, меѓу кои најголеми беа несреќите во Индонезија, Куба и Иран.

Минатата година дојде до голем пораст на бројот на загинати во авионските несреќи во однос на една година претходно, но 2018-та година сепак беше 9-та најбезбедна година во авио-сообраќајот откако се води статистиката, пренесува „БиБиСи“.

Најтешката авионска несреќа се случи во октомври претходната година кога авион на компанијата “Lion Air” се сруши во Индонезија, при што загинаа 189 лица. Во авионските несреќи во 2018-та година загинале 556 луѓе, додека една година претходно загинале 44 лица, објавија од Организацијата за безбедност на воздушниот сообраќај “ASN”. 

Во 2017-та година била нај безбедната година во историјата на комерцијалните летови – ниту еден голем патнички авион не се срушил. Од “ASN”, организација, соопштија дека во текот на 2018-та година имало 15 авионски несреќи со смртни последици.

Покрај несреќата на авионот на “Lion Air”, меѓу најголемите несреќи беше и таа на Куба кога загинаа 112 лица, во февруари во Иран загинаа 66 лица, а при слетување на авион на аеродромот во Катманду во Непал во март минатата година, загинаа 51 лице.

Станува збор за губење на контрола над авионот за време на летот “LOC”, што значи дека екипажот за време на летот не може да го контролира авионот. “LOC” може да настане како последица на разни фактори, вклучувајќи дефект на моторот, замрзнување или гасење и тоа е една од најкомплексните категории на несреќи.