Во американскиот град Дејтон се случи вооружен инцидент во кој загинаа најмалку 10 луѓе, јавуваат американските медиуми.

Како што пишуваат американските медиуми во инцидентот се повредени 16 лица. Пукањето се случи во областа Орегон, популарна меѓу туристи и локални жители, полна со ресторани и кафулиња.

Прелиминарните извештаи велат дека убиецот е неутрализиран од страна на полицијата и е во притвор или е мртов.

Вчера исто така се случи крвав масакр, кога најмалку 20 лица беа убиени, а 26 се повредени во вооружениот напад во трговскиот центар во градот Ел Пасо, во сојузната американска држава Текас, а напаѓачот беше уапсен.

Американската полиција соопшти дека убиствата најверојатно се извршени поради омраза.