По неколкудневните дискусии во рамките на Европската унија, формиран е список на земји од кои Грција ќе прима посетители, рече Стелиос Петсас, портпарол на владата на оваа земја, кој ги отвори границите за масовен туризам во средата.

Петсас рече дека ќе биде дозволено пристигнување на сите меѓународни летови за Грција, освен за директни летови од Велика Британија и Шведска до 15 јули.

Од правец на Бугарија, патниците ќе влезат во Грција преку граничниот премин Промахонас, додека влезот од другите гранични премини со оваа земја, влезот ќе биде дозволен само во одредени услови.

Патниците од Албанија, Северна Македонија и Турција ќе можат да влезат во Грција само во одредени околности, изјави портпарол на владата, додавајќи дека траектот од Игуменица и Патрасзапочнал да сообраќа.

Петсас рече дека Грција ги отвори своите граници за туристите со одредени ограничувања, како и дека ги презема сите неопходни мерки со цел да го заштити локалното население и сите оние кои се вработени во туристичкиот сектор.

По влегувањето во земјата, туристите ќе бидат тестирани за вирусот на корона, рече тој, додавајќи дека 5.889 лица од 16 аеродроми биле тестирани вчера за КОВИД-19 и дека резултатите ќе бидат познати деенс. 

Грчките власти внимателно ја следат епидемиолошката состојба во Европа и во светот и нема да направат отстапки по прашањето за заштита на јавното здравство и животот на луѓето, истакна Петсас.