СДСМ и БЕСА официјално настапуваат како сојуз. Во јавноста излегуваат на заеднички прес – конференции кои се двојазични и кои ги водат генералните секретари на СДСМ и БЕСА – Љупчо Николовски и Адријан Хоџа. На првата заедничка прес-конференција за медиуми, генералните секретари на двете сојузнички партии за парламентарните избори, нагласија дека нивните очекувања се дека токму во изборната единица 6 ќе добијат најмногу гласови. Ова изборна единица според демографската структура ја сочинува доминантно албанско население. Очекувано е зошто албанска политичка партија како што е БЕСА во овој дел очекува најмногу гласови, но не е очекувано што македонска политичка партија очекува токму во ова изборна единица најмногу подршка.
Веројатно изјавата на Зоран Заев дека СДСМ не е само македонска партија вродуваат со плод кога треба да се кокетира со албанскиот електорат. Досега, изборите покажаа дека албанските гласови најчесто завршуваат кај кандидатските листи на СДСМ. На што се должи омиленоста на ова политичка партија меѓу албанскиот блок – е прашање на кое треба да се размислува.
Од друга страна ВМРО-ДПМНЕ е политичка партија во која се застапени многу етнички заедници, но не и албанската. Од СДСМ обвинуваат дека ВРМО-ДПМНЕ води националистичка политика која е поразителна за добрите меѓуетнички односи. На тв дуелот „Само вистина“, лидерот на СДСМ, Зоран Заев му посочи на лидерот на ВМРО-ДПМНЕ, Христијан Мицкоски дека национализмот веќе нема да им помине и дека поради тој национализам имаат „компир гласови во Теарце“.
Факт е дека меѓуетничките односи се неизгаснето жариште. Особено после провокациите од албанските политичари кои стигнуваат на сметка на промена на имињата на двете училишта во Чаир. Денеска Артан Груби од ДУИ испрати јасна порака дека промената на името на училиштето „Никола Вапцаров“ ја гледа како лична победа. Тоа долеа масло на огнот со однос на тоа дека страстите во јавноста сеуште не беа стивнати.
Кој е виновен за ваквите чести судири на меѓуетничко ниво? Дали партиите од македонскиот блок? Едните се попопусливи, а другите се премногу ригидни? Дали можеби албанските партии се тие кои не сакаат да соработуваат и секогаш имаат премногу барања како за застапнички на малцинско население? Можеби е вината во мнозинското население кое дозолува терор на малцинството или обратно? Можеби само меѓународниот фактор игра голема улога во тоа какви ќе бидат односите помеѓу етникумите во Македонија?
Кој и да е виновен, факт е дека на овие парламентарни избори ќе се кршат меѓуетничките копја, додека СДСМ дефинитивно се претвора во проалбанска партија.
Автор: Стојмановиќ Магдалена
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.