Српскиот пејач Дарко Лазиќ за медиумите откри непознати детали за тешката сообраќајна несреќа која ја преживеа минатата година и едвај извлече жива глава.

Српскиот пејач со тешки повреди во октомври минатата година беше примен на интензивна нега во земунската болница, откако доживеа тешка сообраќајка по која животот му беше загрозен.

Дваесет и седумгодишниот Дарко Лазиќ, кој повеќе пати ги полнеше балканските таблоиди, кога го фатија со дрога и се разведе, со автомобилот излетал од патот и се превртел на кров, а потоа едвај го извадиле од смачканото возило.

После неколку месеци откако се случи несреќата, Дарко седна пред камерите и раскажа неколку неоткриени детали за несреќата.

Тој во интервјуто за српскиот портал „Еспресо“ вели дека докторите не му гарантираат кога целосно ќе се опорави од повредите.

-Тие велат дека опоравувањето може да трае и со години, а може и засекогаш да трае и никогаш да не оздравам целосно. Тоа никој не може да го гарантира и тоа не може никој да го излечи бидејќи тоа е едноставно така, или ќе се врати само по себе или воопшто нема да се врати опоравувањето, рече Лазиќ.

Дарко изјави дека казната за на суд веќе е пристигната.

Законот мора да се почитува и тоа е тоа. Зашто психички да не го поднесам? Па и затворот е за луѓе ако треба да лежам таму. Боже мој тоа не е ништо страшно. Не е дека сум воодушевен, но ако морам, морам….

Во моментот на несреќата тој во своето БМВ бил сам, а го извлекувале пожарникари. Пејачот немал појас и тешко беше повреден.