Времето ќе биде студено, претпладне со слаб снег на западот, а ќе дува краткотрајно засилен северозападен ветер поизразен на северот.

Температурите во утрото ќе се спуштат до минус 16 степени, а дневната ќе достигне до еден степен Целзиусов. Во Скопје слично време со температура во интервалот меѓу минус четири и еден степен Целзиусов.

Во следниве денови ќе преовладува променливо облачно и студено време со максимални дневни температури неколку степени под или околу нулата. Денеска наутро се очекува да биде најстудено кога речиси во целата земја температурата ќе се спушти под -10, а на повеќе места и под -15 степени.
Нови врнежи од снег се очекуваат во среда преку денот, но наутро ќе биде студено.