Во текот на октомври месец не е исклучена можноста да дојде до продор на позначително студена маса од север, прогнозира Славчо Поповски.

Кога таа ќе стигне над нашите краишта, односно над Јадранот и Медитеранот, ќе дојде до формирање на циклонски системи кои нормлано условуваат врнежи.

Со ваквите спуштања на значително постудени воздушни бранови, има услови во текот на октомври да се случат и првите врнежи од снег на планините во Македонија. Она што е интересно, според моменталното следење на развојот на временската состојба за следните месеци, е тоа што ноември, а посебно декември, би можеле да имаме значително постудено време за разлика од изминатите години, но со нешто помалку врнежи и тоа особено во ноември, но снегот сепак нема да изостане, вели Попоски.

Сепак, генерално, и по температури и по врнежи, вели Славчо Попоски, месец октомври ќе ни биде во границите на нормалата за овој период од годината.