Во гостувањето на Канал 5 телевизија, во емисијата „Само вистина“ доктор Жан Митрев истакна дека не знае дали воопшто може да се помогне доколку бројот на заболени лица од Ковид 19 во земјава постојано расте и ако пациентите се во некоја многу понапредна состојба на болеста.

Најмладиот пациент кој ние го лекувавме како клиника „Жан Митрев“ е 23-годишно момче во тешка состојба.

Многу од пациентите кои ги презедовме дојдоа од ГОБ „8-септември“ и од Инфективната клиника, истакна д-р Жан Митрев додавајќи дека голем број од овие пациенти беа веќе на респиратори во други институции.

Голем проблем претставува и суперинфекцијата кога пациентот подолго време е болен и шансите на него да се накалеми една болничка инфекција е многу полесно. Опоравањето кај овие пациенти е многу мачно и многу долго. Кај некои пациенти имаме веќе четврти и петти циклус на хемофилтрација- соопшти Митрев за пациентите кој што се наоѓаат во неговата клиника.

Тој додава дека кај некои пациенти заболени од Ковид 19 состојбата е многу влошена и апелираше до граѓаните да бидат внимателни. Истакна дека секој од нас сака да се дружи но сепак социјалната дистанца во овој период е од особена важност. 

-Кај некои пациенти кај кои ситуацијата е многу влошена, незнам длаи воопшто може да се помогне, така да, серизона е работата- вели д-р Митрев.