Се поголем е бројот на лица кои имаат респираторни инфекции што не се предизвикани од ковид-19, вели Д-р Александар Стојановиќ, директор на Здравствениот дом „Д-р Милутин Ивковиќ“ во Палилула, Србија.

Според него сега е периодот на летните настинки, алергии, инфекции па докторите мора да внимаваат на тоа ваквите паценти да не ги мешаат со ковид-19.

– Бидејќи сега сме во време на летни инфекции, настинки, алергии и слично, кога пациент доаѓа во здравствениот центар, ние извршуваме тријажа и во разговор со нив, лекарот утврдува дали станува збор за ковид амбуланта или за општ лекар. На лице место, утврдуваме и гледаме според симптомите – рече д-р Стојановиќ.

Многумина се прашуваат која е разликата и како да ги препознаеме симптомите, па д-р Стојановиќ открива како да познаеме дали имаме обична настинка или сме заразени од Ковид 19.

– Симптомите на корона се треска која трае подолго од три дена, потоа се јавува гребење во грлото, отежнато дишење, губење на чувството за мирис и вкус – што е многу важно затоа што се покажа дека овие се два важни параметри. Исто така, постои гадење во стомакот, општа малаксаност и во последно време – дијареја. Со настинки, немаме такви симптоми. Врз основа на оваа клиничка слика, пациентот е на тријажа. Потоа правиме лабораторија што ќе биде готова за половина час, врз основа на тоа гледаме каква е крвната слика и дали има зголемување или намалување на леукоцитите. Последната варијанта е, кога не сме целосно сигурни – ги снимаме белите дробови. Ако на снимката се гледа дека има пневмонија, тогаш сомнежот паѓа на ковид-19 – детално раскажа д-р Стојановиќ.