Чувството на сдсмовец кога на гласачкото ливче ќе ја заокружи БЕСА е неодоливо, пишува на социјалните мрежи професорката по уставно право Тања Каракамишева.

Лидерите на СДСМ и на Беса Зоран Заев и Биљаљ Касами ги усогласија ставовите околу програмата, на носителите на изборните листи.

Тие пред неколку дена ги потпишаа Деларација за заеднички настап на изборите на 12 април. Прв пат во историјата на независна Македонија се постигна предизборна коалиција меѓу партии на Македонците и на Албанците.

Ајде сега ДИК нека изгласа упатство за изгледот на гласачкото ливче по азбучен редослед, Коалиција БЕСА & СДС 🙃😆🙃😆
Да ги чујам старите ес-де-ес-овци како се осеќаат????
Пријатно?
Не би рекла, пишува Каракамишева.

Носителите и кандидатските листи за претстојните предвремени парламентарни избори СДСМ ќе ги објави на конгресот на партијата што ќе се одржи во попладневните часови на 9 март, објави лидерот на партијата Зоран Заев на прес-конференција.

Заев рече дека во моментов во СДСМ се прави селекција од преку 750 кандидати за пратеници и оти тоа го прават странски и домашни експерти, и политичари од СДСМ, се разгледуваат нивните биографии, потоа ќе се прават анализи и интервјуа, а паралелно се одвиваат анкетите.

Сакаме да ги избереме најдобрите. Лидерот на СДСМ рече дека има многу добри кадри кои не се нафаќаат да се занимаваат со политика.