Лидерите на Алијансата на Албанците и Беса, Зијадин Села и Билал Касами вечерва на митингот на претседателскиот кандидат Блерим Река во Тетово побараа Албанците да гласаат за единствениот Албанец во оваа трка.

Касами порача дека на овие претседателски избори треба да се делегитира власта.

Да не заборави Заев дека режимот на Груевски беше соборен со гласот на Албанците. Можам да кажам дека и режимот на Заев и неговите соработници Албанци ќе биде соборен исто со гласот на Албанците, со гласот за Блерим Река, истакна Касами.

За Република во која владее правото, а не поединецот – ова е една од клучните пораки која кандидатот за Претседател Блерим Река ја испрати до граѓаните на централниот митинг во Тетово, три дена пред првиот изборен круг. Порача дека гласот за него ќе ја направи државата мултиетничка и евроатланска.

Вечерва, заедно со вас го финишираме патот на победата. Вечерва, ја пишуваме новата историја – за една Република за сите, со законот над сите!“ – вака ја финишираше кампањата за претседателските избори, кандидатот поддржан од Алијансата за Албанците и од БЕСА, Блерим Река, кој својот централен митинг го одржа во Тетово.

На митингот поддршка за Блерим Река побара Албин Курти, политичар од Косово, лидер на движењето Самоопределување.