Во интервју за емисијата „30 прашања со“ министерката за Труд и социјала Мила Царовска, одговара на 30 кратки прашања поврзани со нејзината личност и работата. 

Во интервјуто министерската вели дека нашата држава Македонија е апсолутно подготвена за жена премиер.

Имено емисијата е проект на потпретседателот на СДСМ, Коста Петров.

Од видеото може да се забележи дека министерката отсечно и брзо одговара на прашањата па се добива впечаток дека се претходно увежбани, па во овој момент кога една од најактуелните теми во државата се предвремените избори закажани за 12 април, и составувањето на техничка влада, и назначувањето на технички премиер , функција за која неколку пати се провлекува името на Мила Царовска, таа сосема „случајно“ одговара на последното од 30-те стокмени прашања од пи-ар тимот на социјалдемократите, дека Македонија е подготвена за жена премиер.

Она што секој би го забележал е и тоа дека во видеото Петров на Царовска и вели дали Македонија е подготвена за жена премиер, наместо да го користи новото име со придавката “Северна”.

На прашањето како би ја опишала министерската позиција Мила вели: Работа, работа и само работа…

На прашањето што најмногу ја релаксира таа вели дека времето поминато со нејзиниот син.