Гравчето е традиција во секое семејство. Ќе ви напишеме една едноставна комбинација на грав со колбаси.

Тавче гравче е Македонски традиционален специјалитет.

Се подготвува од свеж македонски грав и може да се најде скоро во сите домови и македонски ресторани. Исто така се сервира во земјени чинии.

Состојки :

300гр бел грав

400гр крањски колбас

1 главица кромид

1 морков

1 свежа везена пиперка и 2-3 лажици зејтин

1 лажичка мешан зачин,

бибер,оригано и свеж магданос

1 лажичка буковец

1 лажица брашно и 1 лажица црвен пипер

Гравчето  се кисне со мала количина на вода од навечер. Утредента се вари заедно со цела главица кромид, морков и везена свежа пиперка на тивок огин. Варењето зависи од гравот. Зрната не треба да се распаднат, но треба да бидат варени меки.Одкако гравот ни е варен го претуруваме во земјена тава. Кромидот и морковот се пасираат со вилушка и се додава магданос и ситно сецкано лукче, мешан зачин, оригано, бибер и буковец.Во тава се потпржува брашното, кратко се сипа зејтин се меша и додава црвен пипер.

Запршката се сипа во гравот, се  додава и  малку вода доколку фали во земјената тава. Колбасите се ставаат врз гравот и се пече на 200 степени триесетина минути или додека не изврие дел од водата.