Амбуланскиот дел е целосно обновен со нова опрема, извршени се бројни градежни зафати, поставени нови прозорци, нова електрика, а во дел од просториите е променет таванот и подот.

Со цел непречено функционирање на клиниката во услови на пандемија од коронавирусот, се применуваат посебни мерки за заштита и во таа насока поставени се нови шалтери за прием на пациенти, како и нови столчиња во чекалната на пациентите.

Министерот Венко Филипче изјави дека после 30 години, целосно се реновираше исто така и Службата за итна медицинска помош во Здравствениот дом во Македонски Брод.

Со ова инфраструктурно зајакнување, за две ипол години ги подобривме условите во 31 јавно-здравствена установа.

Овозможивме модерно јавно здравство. Овозможивме подобра здравствена грижа за сите пациенти. Нашата цел се задоволни пациенти и мотивирани здравствени работници. Продолжуваме и понатаму кон унапредување на целиот здравствен систем, изјави Филипче!