Лажни вести се информациите дека  Холандија ја поддржала Бугарија во блокирањето на преговарачката рамка за Северна Македонија велат од холандската амбасада во Скопје, после објавата на софиски „24 часа“. 

„Холандија сметаше и се уште смета дека Македонија има постигнато добар напредок и дека меѓувладината конференција може да се одржи веднаш штом ќе се усвои преговарачката рамка.“ – велат од Амбасада на Кралството Холандија во Македонија.

Министерот за надворешни работи Бујар Османи вели дека информацијата дека Данска и Холандија се приклучуваат на бугарското вето е неточна.

И од владата за Тв24 велат дека Република Северна Македонија има апсолутна подршка од сите во Европската унија, освен од Бугарија која има задршки.

Пратеникот на ВМРО-ДПМНЕ, Антонио Милошоски прв на твитер објави информација дека и други две земји освен Бугарија имаат задршка за почетокот на преговори за Македонија.

Денеска за ТВ24 Милошоски вели дека нема информација дали се работи за истите земји кои ги лиферува бугарскиот медиум и додава дека останува на својата објава добиена од дипломатски извори.