Одлука на Уставниот суд на РМ: Не може да има закон само со потпис на Претседателот на Собрание

Фото/Текст извор: ©магазин

Со Одлука на Уставниот суд на Република Македониија бр. У.бр.141/1997 и У.бр. 146.1997 укинат е Указот за прогласување на законот за употреба на знамињата преку кои припадниците на националностите преку кои припадниците на националностите го изразуваат својот идентитет и национални особености. Указот како и за денешниот Закон за употреба на јазици е укинат поради тоа што бил потпишан само од тогашниот претседателот на Собрание Тито Петковски

Уставниот Суд, како што стои во одлуката утврдил дека Указот е потпишан од претседателот на Собранието на Република Македонија, во својство на претседател на државата иако на претседателот на Републиката не му престанала функцијата, ниту бил спречен да ја врши.

Со објавувањето на Законот за јазици само со потпис на претседател на Собрание, Џафери ја продолжи праксата на грубо кршење на Уставот и Деловникот која ја следи уште од неговиот избор.

И денес во случајот со Законот за употреба на јазиците, Талат Џафери ги узурпирал надлежностите на Претсдателот на државата Ѓорѓе Иванов и само потпис на Претседател на собрание го испратил на објавување во Службен весник со што го повредил Уставот на РМ, член 75 во кој е јасно определно дека законите се прогласуваат со потпис од Претседателот на Собранието и претседателот на државата. Не е предвидено во ниту еден член во Уставот потписот на претседателот на државата да биде анулиран со фуснота и со политички објаснувања да се оправдува правно газење на Уставот.

Според 82 став 1 од Уставот во случај на смрт, оставка, трајна спреченост да ја врши функцијата или престанок на мандатот по сила на Уставот, до изборот на нов претседател на Републиката, функцијата претседател на Републиката ќе ја врши претседателот на Собранието.

Според толкувањето на Уставниот суд, само во горенаведените три случаи Претседателот на Собранието би можел да ги извршува надлежностите на Претседателот на државата.

Во денешната ситуација не е исполнет ниту еден од условите кога Претседателот на Собранието може да ги извршува надлежностите на Претседателот на државата.

Неиздржани би биле толкувањата, веројатно на потчинетиот Уставен суд и провладините експерти, дека Талат Џафери не ги узурпирал надлежностите на претседателот на државата затоа што не се потпишал на негово место. Тука е спорна, неуставна, постапката за донесување на закон, а не надлежностите на првите луѓе на државата. Или едноставно, БЕЗ ПОТПИС НА ПРЕТСЕДАТЕЛОТ НА ДРЖАВАТА НЕМА УКАЗ, НЕМА и ЗАКОН.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Поврзани вести со оваа тема

Најчитани вести

Останати вести од Анализа

Директорот на ДПИ, Горан Трајковски се заблагодари до сите граѓани кои пријавуваат неправилности.

Инспекторите затворија уште пет маркети кои не ги почитуваат мерките

Државниот пазарен инспекторат (ДПИ) синоќа казни и стави клуч на врата на уште пет маркети...

Така што, јас верувам дека ние до 2030 година можеме да бидеме членка на ЕУ, доколку ги донесеме одлуките коишто се очекуваат од нас. За тоа веќе постои поддршка и отворен прозорец од страна на ЕУ, рече Ковачевски.

Ковачевски мисли дека до 2023 Македонија ќе влезе во ЕУ

Можноста за поголем пристап на кандидатите за членство до европските фондови ја најави...

Гостиварскиот обвинител Ислам Абази кој е избран за нов шеф на Обвинителството за гонење организиран криминал и корупција е непознат за пошироката јавност. Од него тешко се наоѓа фотографија, а нема ниту биографија. Обвинителите немаа прилика од него да чујат ниту детали за тоа како планира да раководи со едно од најважните обвинителства во државата, кое треба да се справи со организираниот криминал и корупција.

Добивај вести на вибер
dobivaj vesti na viber
Според информации од „А1он“ кои ги добивме од неколку обвинители со право на глас, тој немал испратено ниту програма до нив. Во фелата важи за почитуван колега и обвинител. Има учествувано во изработка на низа закони.

За него постоеја шпекулации дека е кандидат на ДУИ. Тој никогаш не се огласи со став. Потекнува од Зајас, селото од каде е и лидерот на ДУИ, Али Ахмети. Новиот шеф, Абази, пријавил и дека неговото семејство поседува куќа во Зајас, исто како и Ахмети.

Според анкетниот лист поднесен во Државната комисија за спречување корупција, тој нема ниту куќа, ниту стан, ниту автомобил. Поседува само долгови и мотор. Од недвижнини, на име на неговите родители, има запишано стан во Кичево и куќата во селото на Ахмети. На свое име, има голф 4, кој го стекнал со купопродажба, вреден скоро пет илјади евра. Абази има и кредит oд четири илјади евра, кој го подигнал во 2009 година. Засега не е познато кога последен пат го ажурирал неговиот анкетен лист и дали има промени.

„А1он“ и вечерва се обиде да исконтактира со сега избраниот шеф, Ислам Абази. Го прашавме колку вистина има во тоа дека е кадар на ДУИ, дали се познава со Ахмети и дали остварувал средби, но и каде може да се види неговата програма доколку истата постои. Тој посочи дека изјава ќе даде утре, кога ќе допатува во Скопје.

„Во текот на утрешниот ден ќе дојдам во Скопје и ќе се договориме за изјава преку прес-службата на ЈОРСМ“, вели Абази за „А1он“, неодговарајќи на ниту едно прашање.

Инаку, Ислам Абази беше избран со 66 гласови, преку гласање на сите обвинители во Македонија. На второ место, со 64 гласови или два гласа помалку, заврши скопскиот обвинител Ермон Незири. Досегашната шефица Вилма Русковска доби петнаесетина гласови, а нејзината колшека Деса Пауновска имаше едноцифрен број на поддршка.