На Инфективната клиника се направени контролни тестови на 4 пациенти кои подолго време се лекуваат таму и тие контролни тестови, земени пред два дена се негативни. Од тие 4 лица, 3 се во значајно добра состојба. Кај сите нив ќе биде земен уште еден контролен тест, согласно протоколот во текот на следниот ден, и доколку и тој тест е негативен, тројцата пациенти ќе бидат подготвени да се упатат на домашно лекување.

 Од 29-те нови случаи, 5 лица се од Кожната клиника, кои после 16 дена поминати во изолација без никакви симптоми на земените материјали – тестови, со оглед на тоа што беше поминат инкубацискиот период, имаат позитивен резултат. Колегите се во добра општа состојба, практично се асимптоматски, го чека во домашна изолација периодот од 14 дена да помине, ќе продолжат да бидат во домашна самоизолација, согласно нивната состојба во интензивна комуникација со колегите од Инфективната клиника. Со оглед на тоа што во оваа група навистина има повеќе лица денеска се овие пет позитивни случаи од 30 тестирани, а во следните денови продолжуваат да се тестираат сите поделени во групи, со цел да се постигне и со испитување на резултатите од другите пациенти кои доаѓаат од другите места.

Министерот посочи дека денеска ќе има и дефинитивна бројка на сите лаборатории, согласно посетата и стручните состаноци на раководителката на лабораторијата во Институтот за јавно здравје на приватните установи и доколку ги исполнуваат условите да се вклучат во мрежата за да се зголеми капацитетот на тестовите.Тој рече дека за сега добро функционираат пунктовите, матичните лекари закажуваат термини.