Откако пред извесно време беше објавено дека поскапува гирото во Грција, сега српски „Телеграф“ објави дека и кафето и другите пијалоци се поскапени за едно евро.

Иако во глобала цените се исти за сместувањата како и минатата година, сепак пијалаците се во просек за околу 1 евро повисоки отколку во 2018 година.

Како што објави Телеграф, во Олимпискиот регион половина литар домашно грчко пиво чини во просек околу 3,5 евра, а увозните до 4,75 евра, а цените на Халкидики се приближно исти. Во Сарти, на вториот крак , лежалките ќе ги добиете бесплатно, но со најмалку еден испиен пијалак, главно кафе кое чини 4 евра или пиво од 3 до 5 евра.

Во туристичкото место Неа Мармарас, како и вообичаено, цените се малку повисоки отколку во останатиот дел од Халкидики, па кафе на плажа ќе ве чини 3 евра, а мало пиво дури 5 евра.

Кога станува збор за Халкидики, може да се издвои Никити како едно од местата кое е најевтино.

Тука кафето не надминува 2,5 евра со лежалка, а пивото е до 4 евра. Сендвичите и сувлакито чинат од 2,5 до 4 евра.

Што се однесува до водата, шишенце од половина литар чини 50 центи, а она од еден литар од 1,5 до 1,7 евра.

Како што објави Телеграф, не само цените на плажа, туку и цените во рестораните, исто така, се поскапи за 1,5 евро и споредба со податоците од 2017 година, па така за оброк во просечен ресторан ќе платите најмалку 8 евра. Доколку купуват хран аза носење, цените  не се разликуваат многу во цела Грција –  главно гирото е од 2,5 евра па до 4 заедно со сок, сувлаки 2,90 евра, тиропита 2,5 евра итн.

Во места каде што се плаќаат лежалки цената е обично 5 евра за лежалка (северна Грција и островите Додеканези), додека на Кикладите изнајмувањето лежалки за плажа е многу скапо, и се движи до 120 евра во Миконос.