Гел за дезинфекција по дел аптеки низ Македонија достигна цена од неверојатни 1600 денари.

На социјалните мрежи се појави фотографија од фискалната сметка на која се гледа огромната сума на гелот за дезинфекција, а граѓаните реагираат дека истиот гел пред неколку дена чинел само 310 денари, објави Вечер.

„Со плата од 14.500 денари, за гелот за дезинфекција во оваа тешка ситуација поскапува секој ден од 310 денари до цена од 1600 денари. Истото се случува и со маските.

Срамота ќе се богатите од маката на овој сиромашен народ. Каде се инспекциите?“ стои во постот.

Инаку од владата претходно соопштија дека инспекторите на терен и ќе се казнуваат аптеките што ги покачиле цените на заштитните средства против коронавирус.

„Ќе се спроведе во целост задолжението до Пазарната инспекција и до Агенцијата за лекови и медицински средства на Република Македонија (МАЛМЕД) да се направи увид и контрола на залихите на заштитните средства за спречување на пренесувањето на вирусот во аптеките, и доколку се утврди неосновано покачување на цените ќе бидат преземени мерки соодветно за законските прописи и овластувања“ порачаа од владата на Република Македонија.