Српската премиерка Ана Брнабиќ (43) и нејзината помлада партнерка д-р Милица Ѓурѓиќ наскоро ќе постанат родители.

Партнерката на српската премиерка Милица Ѓуриќ, според магазинот Глорија, била подложена на вештачко оплодување.

Како што пишува магазинот, Ѓуриќ поради бременоста неколку месеци не се појавува јавно со својата партнерка Ана Брнабиќ, а во Клиничкиот центар на Србија, во Центарот за радиологија и магнетна резонанца, каде што е вработена, велат дека таа зела трудничко боледување.

Од кабинетот на премиерката, не сакале да откријат кој пол ќе биде бебето.

Ана Брнабиќ е прва премиерка на Балканот која се декларираше како геј. Српската православна црква се противела на нејзиното именување за мандатар, како и дел од членството на владејачката СНС.