Шестмина германски туристи загинаа, а 11 се тешко повредени откако во нив удрил автомобил во Северна Италија. 

Полицијата соопшти дека шест лица починале на самото место, е додека пак повредените туристи се превезени во локални болници. Несреќата се случила ноќеска во близина на Болцано, во моментот кога германските туристи се собирале за да се качат во автобус.

Италијанските медиуми објавија дека возачот е локален жител кој во моментот на несреќата бил пијан.

Претседателот на регионот Алто Адиџе, Арно Компачер, во изјава за медиумите рече дека жртвите, сите на возраст од 20 и 21 година, биле дел од група германски туристи кои биле на одмор во оваа област. 

Во светот на секои 24 секунди во сообраќајна несреќа згаснува по еден живот, или 1,35 милиони годишно, соопшти Светската здравствена организација (СЗО).

Бројот на загинати лица во последните три години се зголеми за околу 100.000, а сообраќајните несреќи сега се водечка причина за смртта на деца и млади на возраст меѓу пет и 29 години.

Стапката на смртност во сообраќајки е висока во Африка, каде што гинат 26,6 лица годишно на 100.000 луѓе во споредба со 9,3 лица кои загинале на секои 100.000 Европејци.

Европа моментално е дел од светот со најниска стапка на смртност во сообраќајни незгоди.