Уште една трагедија ги шокираше граѓаните на Македонија, почина бебе во Штип. Бебето имало здраствени проблеми повеќе од една недела и требало итно да го однесат во болница, но родителите го лекувале дома.

Според информациите од штипската полцијата, рано утринава во 3.05 часот од страна на екипата на Итната медицинска помош било пријавено дека на улицата „Железничка“ има починато деветмесечно бебе.

Портпаролката на СВР-Штип, Гордана Панајотова информира дека од полициски службеници во СВР-Штип бил извршен увид на местото на настанот при што било констатирано дека истиот ден околу 3.00 часот, 32 годишната Е.М., мајка на бебето забележала дека бебето не дава знаци на живот за што повикала екипа на Брза помош, а од нивна страна била константирана смрт.

Во полициската станица веднаш бил спроведен разговор со мајката на деветмеселното бебе и од нејзиниот свекор.

Од разговорот со мајката на бебето и нејзиниот свекор А.М. дознале дека бебето повеќе од една седмица било болно, но истите не го однеле за укажување на лекарска помош во здравствена установа, туку го лекувале во домашни услови.

Телото на деветмесечното бебе по наредба на основен јавен обвинител од Штип е предадено за обдукција и точно ќе се знаат причините за настанувањето на смртта и дали има трагина на насилство.