Украинскиот амбасадор во Минск Игор Кизим, им се закани на белоруските граничари со „дипломатска војна“ кога го замолија да го отвори багажникот на неговиот автомобил.

Инцидентот се случи на 5 септември на границата меѓу Украина и Белорусија. Кизим, кој претходно беше поканет од Киев на консултации, се враќаше во Минск преку граничниот премин Нова Гута. Според него, белоруските граничари го присилиле да го отвори багажникот и да ги покаже своите лични работи.

Тоа предизвика гнев кај амбасадорот, кој рече дека не доживеал такво нешто во неговата 27-годишна дипломатска кариера.

Како што може да се види на видеото објавено од Граничната служба на Белорусија, Кизим предупреди на границата дека, во согласност со Виенската конвенција, може да се изврши претрес на дипломатско возило само од добри причини.

Кизим, вети дека ќе напише протестна нота.

„Со ова, вие правите многу лош чекор. Започнуваме дипломатска војна “, се закани тој.

Граничната служба на Белорусија изјави дека амбасадорот не бил претресен, туку дека граничарите гледале само во неговиот автомобил, а тоа не претставува кршење на Виенската конвенција.