Ернесто Талви, по татко Македонец, а мајка Кубанка, е нов министер за надворешни работи на Уругвај.

Обединетата македонска дијаспора му честита на изборот и порачаа дека се надеваат дека Македонија и Уругвај ќе ги зајакнат билателарните и трговски односи, објави Фокус.

-Утрово, ОМД му честиташе на Ернесто Талви, кој е од македонско потекло по татко, што стана министер за надворешни работи на Ориентална Република Уругвај. Министерот Талви има импресивно и долго искуство како политичар и економист. Му посакуваме успешен мандат како министер за надворешни работи и се надеваме дека Уругвај и Македонија ќе ги зајакнат своите билатерални и трговски односи под негово водство.

Уругвај е независна држава во Јужна Америка. Уругвај се наоѓа на источната страна на континентот, на источниот брег на реката Угругвај.

Уругвај на запад граничи со Аргентина, на север и исток со Бразил, на југ излегува на реката Рио де ла Плата и нејзината делта, а на југоисток на Атланскиот океан.

Населението на Уругвај е околу 3.44 милиони луѓе, од кои 1.8 милиони живеат во главниот град Монтевидео.

Со своите 176,000 километри квадратни, Уругвај е втора најмала суверена држава во Јужна Америка по површина, веднаш зад Суринам.