Премиерот Зоран Заев на денешната прес-конференција во Владата, ги соопшти бројките и фактите објавени од СТО на 15-ти јули годинава и најави нов инвестициски циклус од пет милијарди евра.
Премиерот Заев рече дека во Македонија е создадена реална и силна економија и дека направено е се за да ја оттргнеме економијата од бизнисот.
Заев рече дека ревизијата на СТО е уште еден доказ дека економските политики на Владата даваат резултат. Оваа, 2019, навистина ќе биде година на економијата – потенцира Заев.
Со посветена работа успеавме да ги стабилизираме економските текови и состојби. Компаниите растат и се развиваат, расте нивната конкурентност, се зголемуваат бруто-инвестициите, а прогрес бележи и градежништвото – истакна премиерот.
Премиерот низ бројки ги пренесе показателите содржани во ревизијата на Светската трговска организација, а исто така напомена дека инвестициите се зголемени, земјава направи скок од 25 места според глобалниот инвестициски индекс, а драстичен раст бележи и извозот.
Зголемен БДП за над 40 отсто, позитивен раст на платите, намалена невработеност, вратена доверба кај инвеститорите, зголемени вложувања, се само некои од показателите содржани во најновата ревизија на Светската трговска организација (СТО) што покажува дека нашата економија е на добар пат, а владините политики даваат резултат, рече Заев.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.