Арбер Адеми министерот за образование и наука  денеска пред отворањето на меѓународниот собир по повод 60 години постоење на Катедрата за италијански јазик и книжевност при Филошкиот Факултет „Блаже Конески” изјави дека заврши  јавната набавка но и електронската аукција и дека во текот на наредната недела треба да се потпише одлуката за избор на најповолна понуда и учебниците кои не биле отпечатени во последните четири пет години ќе бидат отпечатени и дистрибуирани до сите училишта.

Адеми на новинарско прашање посочи дека учебници не недостигаат, но има оштетени учебници.

– Треба да се направи една мала дистинкција кога станува збор за набавување учебници, учебниците кои се откупуваат од издавачките куќи се дистрибуирани во сите училишта, а има учебници за кои МОН го има ексклузивното право и за кои одиме преку јавна набавка за печатење. Во последните четири пет години за жал не се реализирала таква јавна набавка, бидејќи секогаш била поништувана пред некоја втора инстанца или судски инстанци. Оваа недела таа постапка ќе заврши – рече Адеми.

Toj додаде дека учебниците по македонски јазик, по географија, историја и музичко се ексклузивно право на МОН, за нив се води постапка и ќе бидат отпечатени.