Вакцинацијата со руската вакцина „спутник в“ во Македонија ќе почне в среда, најави министерот за здравство, Венко Филипче. Вакцините ќе пристигнат утре на скопскиот аеродром.

– Ги добивме од руската компанија сите потребни документи, и во текот на викендов, многу веројатно е дека во среда ќе почне вакцинацијата, а утре ќе пристигнат на аеродромот во Скопје во 14 часот – кажа Филипче.

Од руската вакцина се очекуваат, исто така, вкупно 200.000 дози. На прашање колку вакцини имаме договорено на хартија, Филипче рече дека станува збор за 2,2 милиони договорени дози.