Владата предвидуваше околу 120 милиони евра за изградба на нов Клинички центар, но средствата за реализација се искачија на 480 милиони евра.
Министерот за здравство Венко Филипче, потврдува за „Фокус“ дека министерството за финансии ќе има нов финансиски план за кредитирање на клиничкиот центар, кој ќе се гради во општина Ѓорче Петров.
-Физибилити студијата покажува дека ќе бидат потребни од 450 до 480 милиони евра – рече министерот.
На владината седница која помина вчера, се одлучи за избор на новата локација за изградба на новиот Клинички центар. Локацијата ќе биде во општината Ѓорче Петров, изјави вчера попладне министерот за здравство Венко Филипче.
Се бодуваа трите локации во Карпош, Ѓорче Петров и Петровец кои стигнаа како предлози до Министерството за здравство. Овој тим експерти разработи методологија, ги бодуваше и со соодветни коефиценти ги мереше овие карактеристики, а има бројни карактеристики на земјиштето и се донесе заклучок дека е идеална локацијата во Ѓорче Петров прво заради положбата, понатаму заради тоа што најбрзо можеше да се изготват сите потребни проектни документи и заради тоа што најмалку чини, практично целото земјиште е државно, рече Филипче по посетата на ЈЗУ Специјална болница по гинекологија и акушерство „Мајка Тереза“ во Чаир, по повод донација на прочистувачи за воздух.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.