Додека во Србија се палат автомобили, кршат стакла на врати од телевизии и рушат објекти, претседателот Вучиќ и министерот за внатрешни работи Небојша Стефановиќ, се релаксираат со играње на шах.

Претседателот на Република Србија Александар Вучиќ заедно со Министерот за Надворешни работи, Небојша Стефановиќ, денеска реши денот да го помине во својот кабинет играјќи шах, не замарајќи се за синоќешната ситуација во која имаше упад во зградата на РТС, во која имаше искршени стакла и оштетени објекти.

Тој на својот Твитер профил објави фотографија и напиша:

Во мојот кабинет мала пауза за краток одмор, после попладневните активности. Србија е земја на храброст и таа секогаш ќе ги победи насилниците, напиша Вучиќ на Твитер, со фотографија која се гледа како игра шах, заедно со министерот за надворешни работи Стефановиќ.

Неколку искршени стакла на телевизијата, и еден оштетен автомобил е билансот од синоќешниот упад во зградата на демонстрантите во националниот ТВ сервис во Србија РТС.

За вечерва се најавени нови протести во Белград, а денеска свое обраќање имаше и претседателот Александар Вучиќ.

Српската премиерка, Ана Брнабиќ најостро го осуди вчерашниот упад на демонстрантите во зградата на РТС и упати порака дека државата нема намера во иднина да толерира никакво насилство.