На синоќешниот последен ТВ дуел на претседателските кандидати на АЛСАТ М водителите го поставија и прашањето за правичната застапеност на етничките заедници во администрацијата и општеството во целина. Гордана Силјановска одговори дека дала лична пример дека ја почитува правничната етничка застапеност. 

Јас за правичната и соодветна застапеност сум се погрижила да ја примена прво на мојата катедра, но не само раководена од припадноста етничка, туку покрај стручноста и компетентноста и зад себе ќе оставам подобар од мене професор. Сите знаат кој е не сакам да го споменувам. Правичната и соодветна застапеност е темелна вредност на уставниот поредок, но она што не постои во Македонија е закон за правична и соодветна застапеност. 

Ако нема департизација на етничката застапеност, правичната застапеност ќе биде узурпирана од партиските лидери и тогаш ниту најдобрите Албанци ниту најдобрите Македонци ќе бидат на најдобрите позиции-истакна Силјановска. 

Таа истакна дека во нејзиниот кабинет место ќе има и за жените Албанки, Ромки и сите други според својата стручност и компететност бидејќи според неа родовата застапеност е и битен елемент во рамноправноста. 

Дениз Прешова често пишува за уставното судство во Македонја и компаративно во светот и според него Уставниот суд во Република Македонија е најнереформираната институција во РМ.  Уставниот и Врховниот суд во Македонија, поред Прешова, сè уште работат според деловници донесени во 1992 и 1997 година. Деловникот на Уставниот суд од 1992 година е донесен  од последниот состав на Уставниот суд на Социјалистичка Република Македонија и до денес не е сменет ниту еднаш, додека пак, Деловникот на Врховниот суд од 1997 година е донесен според сега веќе непостоечкиот Закон за судовите од 1995 година.