По вчерашниот феноменален настап на Тамара на полуфиналната вечер со своја реакција, видно возбуден, се јави и премиерот Зоран Заев. Реакцијата на премиерот, во вид на фото-порака со кратка вест, ви ја пренесуваме во целост:

Почитувани граѓани на нашата држава.

Уште лани, после средбата со Меркел, гордо ви најавив дека нашата држава ќе добие датум во јуни. Најголем дел од вас поверуваа, иако некои беа скептични заради сопките што дома ни ги поставуваат анти-западните сили, а од Париз ни ги ставаше Макрон. Но, и со него ја средивме работата. И не во јуни, еве добивме датум дури и месец порано, во Мај. Нашата земја со нашата прекрасна национална песна отпеана од Тамара доби датум за финалето на Евровизија. А претходно ни дојде и Папата Франциск, па еве уште на гости ни е и Принцот Едвард, а ви најавувам уште многу гости во нашата мила државичка. Така е кога се исполнети сите реформи дома, кога блескаме во светот, кога држиме лекција на Европа со европски манири и со европски вредности, и со европски начин на однесување во европскиот Тел Авив. Заедно напред!

Ваш, Зоран Заев