Оливер Спасовски е фаворитот на Заев за претседателските избори. Но, министерот Спасовски е исто така фаворит и на многу прекршители на законот, кои во неговиот мандат лесно и бегаат и на правдата, и на државата. МВР на моменти личи на швајцарско сирење, а дел од јавноста смета дека Спасовски е најодговорен за тоа и дека треба да си поднесе оставка.

Дилемата е дали неуспешен министер за внатрешни работи, може да биде успешен кандидат за претседател на државата?

Јавноста се сеќава на свирепото убиство на младиот фудбалер Мартин Јанушев, крајот на 2017 година, пред неговата зграда во Аеродром. Тогаш медиумите шпекулираа дека убиецот и нарачателот се дел од агенцијата за обезбедување “Омерта“, блиска до Вице Заев, а биле вклучени во поделбата на градските зони за рекет во Скопје.

На социјалните мрежи посочен беше Раде Т., дел од екипата на “Омерта“, а како директен егзекутор по негова нарачка бил Филип С. Кобра, осуденик кој власта го пуштила од затвор. Убиството се сметаше како порака до братот на младиот Јанушев, кој е дел од МВР и искрено се борел против криминалните банди во Скопје. Како и да е, убиецот и ден денес е во бегство, а Министерот Спасовски делува неуверливо кога одговара на оваа тема. Се зборува дека луѓе од структурите на МВР му овозможиле да избега, и дека моментално се наоѓа во Србија.

Раде Т., познат криминалец од подземјето на Скопје, беше споменат како нарачател на убиството, задолжен меѓу другото и за рекет на поимотни бизнисмени, во моментот на убиството на Мартин Јанушев беше еден од оперативците на агенцијата за обезбедување “Омерта“, која според повеќе информации во јавноста важи за блиска до Вице Заев.

Другите две “крупни риби“ кои му избегаа на министерот Спасовски од мрежата на МВР се и Горан Грујовски и Никола Бошковски, поранешни високи чиновници во УБК, кои на судење преку СЈО, за случајот со масовното прислушкување. И двајцата многу лесно пребегаа во Грција, а без поголеми тешкотии таму добија и политички азил, а министерот Спасовски даваше помалку смешни изјави дека “не треба да се плашат да се вратат во државата“.

Најпознатиот бегалец кој успеа да го надитри Оливер Спасовски е сепак Никола Груевски, политичарот врз кого и Спасовски и Заев ја изградија својата политичка кариера, кого го нарекуваа “режим“ и за кого збореа дека ќе добие заслужена казна.

Сепак, јавноста има дилема, како толку лесно Груевски избегал за Унгарија, и зошто власта остави три слободни дена после изречената пресуда и не го бараше да му го достави решението за отслужување на казната. И подржувачите на СДСМ, како што е Проф. Фрчкоски, изјавија дека МВР и министерот Спасовски не можеле и не смееле да не знаат каде е Груевски во секој момент, бидејќи бил осудено лице со одземен пасош, а тоа е доволна индиција за можно бегство.

И за ова бегство министерот Спасовски најави брза истрага и отчетност пред јавноста, но и по два месеци од бегството на Груевски, нема ништо од истрагата. Голем број на јавни личности побараа и оставка од министерот Спасовски.