На денешната прес конференција поврзана со скандалот „Рекет“ откако побара да се именуваат со име и презиме сите вмешани во скандалот истакна и дека е разочаран од специјалната обвинителка во заминување, Катица Јанева.

Претседателот Пендаровски призна дека е разочаран од специјалната обвинителка Катица Јанева на која безусловно и даваше поддршка.

-Да, разочаран сум од Катица Јанева, како човек, истакна претседателот на државата одговарајќи на новинарско прашање.

Одговорност, потенцираше тој меѓудругото, мора да има и по хоризонтална и вертикална линија.

-Никој не смее да биде над законите во оваа земја, истакна Пендаровски, огласувајќи се пред граѓаните и медиумите за случајот „Рекет“.

Претседателот рече дека е разочаран од тоа што го слушнал во видеата и побара ефективна, брза и темелна истрага. Пендаровски рече дека ќе ги употреби сите обвластувања да ги заштити институциите од притисоци, и да ја заштити, како што рече наципналната безбедност од обидите за нарушување. Според него тешката ситуација е тест за државата и правдата.

– Ќе докажеме дека функционира системот. Извесно е дека се вмешани луѓе со различни профили, се слушаат гласови на бизнисмени, па и на обвинителката Јанева, се слушаат имиња на политичари. Одговорност ќе има за сите вмешани без разлика дали се политичари. Никој не смее да биде над законот, вели тој.