Од полноќ нова цена на горивата во Македонија. Регулаторната комисија за енергетика денеска треба да го објави новиот ценовник за нафтените деривати кој ќе почне да се применува од ноќеска на полноќ во следните седум дена.
РКЕ ги пресметува цените според новата методологија за формирање на малопродажните цени, а главни критериуми се курсот на доларот во однос на денарот и движењето на цената на суровата нафта на светските берзи.
За потсетување, во Македонија имаше привремената либерализација на пазарот и можноста трговците сами да ги определуваат цените на нафтените деривати ова настана поради правниот вакуум предизвикан со не потпишувањето на измените на Законот за енергетика од поранешниот претседател Ѓорге Иванов поради што не можеше навреме да биде донесена новата методологија по која РКЕ треба да ги определува цените.
Потребата за донесување нова методологија е заради истекувањето на важноста на Анексот „Д“ што произлегува од Договорот за купопродажба на ОКТА на 8 мај годинава, според кој беше и определена и постојната методологија за определување на малопродажните цени на нафтените деривати.
Повеќе нема да има профитна маргина од 29 долари по тон што државата заради договорот ѝ го плаќаше на Окта до 8 мај годинава.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.