Утринава пристигнаа 200 илјади дози од кинеските вакцини синофарм во поликлинијата Јане Сандански во Скопје. Пратката вајкцини ја пречекаа министерот Филипче и кинескиот амбасадор Џанг Ѕуо!

Пратката со вакцини ја пречекаа министерот за здравство Венко Филипче и амбасадорот на Народна Република Кина, Џанг Ѕуо.

Вакцините се купени во директни преговори со производителот. Со нивно распоредување во регионалните вакцинални пунктови во шест града низ државава по празниците треба да стартува масовната имунизација на населението. Досега во државава се вакцинирани 60 000 граѓани.

Денеска пристигнаа 200.000 кинески вакцини кои ги обезбедивме во директни преговори со производителот Синофарм.

Тие ќе бидат сместени во ладната соба во Полинклиниката Јане Сандански, по што истите ќе се дистрибуираат до пунктовите според закажаните термини за вакцинација. Дневно ќе се вакцинираат околу 10.000 граѓани ширум државата, а како приоритетни ќе се земат сите пријавени преку веб страната vakcinacija.mk Вакцинацијата од вторник ќе започне и во останатите пунктови за масовна вакцинација кои се веќе подготвени за почеток со работа. Огромна благодарност до амбасадорот н.е. Џанг Ѕуо и до луѓето од неговиот тим кои активно се залагаа оваа пратка утрово да пристигне во нашата земја, рече Филипче!