Пронајдени се телата на шест лица во остатоците од хеликоптерот што се урна на хавајскиот остров Кауаи, соопштија локалните власти.

Крајбрежната стража на Хаваите бараше хеликоптер со седум лица што не се врати од турнејата низ брегот на Напали.

– По потрагата по хеликоптерот што не се врати од обиколка на островот во четвртокот, во остатоците се пронајдени шест тела, додека по седмиот патник се уште се трага, рекоа официјални претставници додавајќи дека е малку веројатно да има преживеани. Луѓето чии тела се пронајдени сè уште не се идентификувани.

Компанијата во сопственост на хеликоптерот, ги извести властите за исчезнувањето откако хеликоптерот не се врати од турнејата пред два дена, објави Си-Ен-Ен.

Во хеликоптерот се наоѓале пилот и шест патници, од кои двајца се малолетни.

Иако на хеликоптерот има електронски уред за набудување, не беа откриени сигнали.