Професорката, Гордана Силјановска, за неколку часа ги собра потписите со кои ќе се кандидира за претседател како надпартиски кандидат. Таа објави видео порака со благодарност за оние кои застанаа со своите потписи зад нејзината кандидатура. Меѓутоа се поставува прашањето дали собирањето на 10.000 потписи реално ја отсликува поддршата за Гордана Силјановска-Давкова или тоа е резултат на партиската машинерија на најголемата опозициона партија. Несомнено е дека најголемите политички партии во Македонија, ВМРО-ДПМНЕ, СДСМ и ДУИ ја имаат потребната организациска, техничка и кадровска поставеност да мобилизираат 10.000 членови за поддршка на претседателскиот кандидат и истовремено тоа да биде добар герила маркетинг за кандидатот и партијата. 

Вистинскиот одоговор на тоа прашање би дало едно истражување кое тешко може и да се реализира, а тоа е колку од собраните потписи се од неопределени граѓани кои не гравитираат околу партиите а одлучуваат кој ќе биде победник на сите избори. 

Несоменено е дека ликот на Гордана Силјановска го надминува партиското членство на ВМРО-ДПМНЕ и ќе добие гласови и од неопределените гласачи од македонската етничка заедница но мал е бројот од тие гласачи кои се и потписници на нејзината кандидатура. За етничкиот состав на поддршката на кандидатурата на Силјановска, добро е да се погледне и во кои општини со мнозинство немакедонско население се потпишале за нејзина поддршка. И на крај, дали собирањето на потписи може да биде лакмус тест за изборните резултати ? 

„За рекордни неколку часа се собрани потребните 10.000 потписи со што официјално станувам кандидат за претседател. Не можам да најдам зборови со кои би ја изразила благодарноста, за мене како во рациновата песна „Силно светнал ден“. Мислам дека е тоа е денот кога ќе започнеме заедничка битка за право и правда“, порача Силјановска. 

Професорката Силјановска Давкова инаку е претседателски кандидат од најголемата опозициска партија ВМРО-ДПМНЕ на идните претседателски избори во Република Македонија.

Денеска масовно граѓаните на Скопје,  Охрид, Тетово, Прилеп и Кавадарци и сите други градови се потпишуваат за поддршка на Гордана Силјановска.

Инаку Силјановска не мора да го прави тоа, бидејќи ја има поддршката од пратениците на ВМРО-ДПМНЕ, но уште на Конвенцијата на ВМРО-ДПМНЕ во Струга рече дека ќе ги собира овие потписи за да се прикаже како натпартиски граѓански кандидат.