Заморот и температурата од околу 37 степени се нормални симптоми по вакцинирањето против вирусот корона, изјави главниот лекар на руската поликлиника, Наталија Шиндријаева.

Како што рече, секоја вакцина доведува до одредена реакција на организмот, а тоа е случај и со вакцината против вирусот корона.

“Неопходно е да се следи сопствената состојба по вакцинирањето. Тоа е вакцина против коронавирус. Како и по другите вакцинации, има краток период кога ќе почувствувате одредена слабост, ќе спиете, ќе имате температура од 37 степени. Не плашете се, тоа е само првата реакција на организмот по приемот на вакцината “, изјави таа.

Шиндријајева рече, пренесува Спутник, дека секој што ќе ја прими вакцинацијата ќе добие хартија со упатства во кои се наведени сите можни несакани ефекти, но и упатства што да прави во случај да се појави.

„Како што обично велат нашите фармацевти – ако нема реакција на одреден лек, прашањето е дали тој воопшто е лек. „Бидејќи ова е препарат кој создава имунитет, овие симптоми се нормална реакција што исчезнува за еден ден“, изјави таа.