Од денеска според новиот закон ниту еден вработен во државава, од овој месец нема да добива плата помала од 14.500 денари.

Од Владата на Република Македонија очекуваат со новиот закон, да се зголеми стандардот на работниците, но исто така и да се поттикне натамошно зголемување на платите, кои претходно биле исти или повисоки од сегашната минимална плата.

УЈП очекуваат граѓаните на земјава да пријавуваат ако се соочат со злоупотреби при исплаќање на минималецот, од страна на сопствениците во фирмите каде што работат.

Пријавите ќе се доставуваат до Трудовиот инспекторат кој на терен треба да проверуваат дали се почитува законот.

До УЈП и претходно и сега претпоставувам со поголем интензитет, ќе стигнуваат анонимни пријави или пријави каде се имаат потпишано работници кои се судруваат со ваков проблем.

Тие пријави ние ги доставуваме на понатамошно постапување до Трудовиот инспекторат, ние постапуваме во нашиот дел во даночната област, но Трудовиот инспекторат треба да утврди на лице место дали има какви било злоупотреби. Очекувам дека во наредниот период ќе имаме повеќе консултации и со трудовиот инспекторат се со цел работниците да ги остваруваат своите загарантирани права“-изјави Сања Лукаревска, директорка на УЈП.