Свети пророк Илија – Илинден пророкот кој пали и гаси на небото и земјата.

Во народното верување Свети Илија се смета за клучар кој го отклучува и заклучува небото и го пушта или запира дождот бидејќи се верува дека тој повела со летните грмотевици.

Свети Илија бил Евреин. Живееше 900 години пред Христа. Потекнуваше од градот Тесвит по што беше наречен Тесвиќанецот. Кога се роди околу него татко му виде Божји ангели како го повиваат во оган и го хранат со пламен што укажуваше на неговата подоцнежна пророчка служба. Младоста ја помина во постојано богомолие и во молитва честопати повлекувајќи се на пусти места.

Прорече многу настани и направи голем број чуда со силата Божја што беше во него. Пред крајот на неговиот земен живот го избра за својот наследник пророкот Елисеј а потоа се вознесе на небото во огнена кочија. Се јави пак при Христовото преображение а ќе се појави пред второто Христово доаѓање.

Именден денес празнуваат: Илија, Илко, Илинка, Илинденка, Илина, Иљо, Илчо …

Големиот македонскит празник Илинден кој во свеста на македонскиот народ најповеќе асоцира на славното Илинденско востание и на Крушевската Република сепак во својата основа го имаат Свети Илија – лик од христијанската религија кој има значајно место и во народните верувања.