Минатата недела, претседателот Владимир Путин прогласи вонредна состојба и ги критикуваше локалните власти за лошо управување со инциденти.

Горивото што се истури во рускиот дел на Арктичкиот круг стигна до езерото од кое реката тече северно кон океанот.

Резервоарот за гориво на електраната во близина на сибирскиот град Норилск се сруши минатиот петок, по што повеќе од 21.000 тони дизел гориво се истури во реките и земјиштето.

Гринпис го спореди инцидентот со излевањето на нафта „Ексон Валдез“ во близина на Алјаска во 1989 година, што се смета за една од најголемите еколошки катастрофи во историјата.

– Горивото влезе во езерото Пјасино – најави Александар Ус, гувернерот на Краснојарск и додаде: Сега е важно да се спречи да влезе во реката Пјасино, што тече кон север. 

Езерото Пјасино е во должина од околу 70 километри, а од него до морето Кара, дел од Арктичкиот океан, тече реката Пјасино.

– Тоа ќе има негативно влијание врз снабдувањето со вода, врз животните и растенијата што растат на брегот на реката – рече Василиј Јаболоков, шеф на Гринпис за климатски прашања во Русија. 

Ус истакна дека оваа катастрофа е најлоша од ваков вид во Арктикот и во модерната руска историја, па тој посочи дека мора да се испита зошто на таа компанија биле потребни два дена да ги извести надлежните за несреќата и првично да дадат погрешно објаснување.

Градот Норилск вети дека ќе ги покрие трошоците за чистење и најави дека се верува дека несреќата е предизвикана од одмрзнување на пермафростот, што ги урна темелите на резервоарот за гориво.

Градот Норилск вети дека ќе ги покрие трошоците за чистење и најави дека се верува дека несреќата е предизвикана од одмрзнување на пермафростот, што ги урна темелите на резервоарот за гориво.